Tuesday, November 13, 2007

kurbada

adunay usa ka kurbada
diha nahimutang sa kilid
sa pangpang sa Boljoon
na ang bus nga akong gisakyan
mo hagurot ug liko niining dalana.

ambot kong ngano

o unsa ba
nga ang akong dughan mo hubag
sa dihang inigliko
sa ining kurbada bisan sauna pa..

panan-aw sa daku nga dagat

nga gilamdagan sa langit,
ang lungsod nga nagpasilong sa
mga kahoy acacia,
ug ang mga gagmayng baroto nga nag ankla sa daplin sa baybayon
ang mo surpresa sa inig dayon liko niining dalana.

ug uban pa niana

didto sad dapit diin nahitabo ang
usa ka kasinatian nga perting kurata.
kadtong niaaging sabado,
fiesta sa tanang barrio.

upat na ka kaha sa redhorse

ang nikulob atong gabhiona
ako uban sa akong mga kaila
ga-maya unahan sa baylihan
nga gimpang langyawan
sa mga laing-laing dayo.

usa kanila kay usa ka consehal

sa laing bahin sa sugbo.
usa siya sa mga suod nga amigo sa akong "ex" sauna
nga wala ko nagdahum na magkita mi balik
human sa hagbay
na panahon nga walay panagtagbo.

didto sa lingkuranan

nga hinimo sa kawayan, nag-abot
among dughan nga among
gimpang koralan sa kadto pang kami pa
sa akong uyab sauna.
akong gimpangyamyam unsa ko ka boang
adtong panahona, nga ngano akong gisugot adtong
usa kaysa nilihok kog pagpanguyab kaniya.

sa mga matang ug pagbati

na walay pulong na mailitok kaniya
ako nalang siyang gigakos
ug gilubong akong nawong sa iyang abaga

buntag damlag,

ang redhorse nga nilibot sa among sistema nahupas
ug ang naandan nga pangisip
napatigbabaw na.
daw wala lay nahitabo kagabii kay ang among
pagtinagdanay daw sama ra sa magkaila.
nanakay nami sa iyang awto
sa frontseat nilingkod ko.
pila ra kadangaw among kalayon
pero daw dunay dili makita nga paril
ang nag ali sa among duha.

ug didto nilabay mi sa usa ka kurbada

diha nahimutang sa kilid
sa pangpang sa Boljoon
diin nangadagsa ang mga
matang ug pagbati
na dili na gyud tawn
makaplagan.

No comments:

Follow this blog with bloglovin

Follow my_hotmug

Bjork! Bjork! Bjork!

2

As Time Goes By

Trekkers