Friday, November 09, 2007

ngano uroy'

berano, panahon sa ting kuwaresma
alas sinko padung kilumkilum
lima sa akong mga amigo
nagtigum sa baybayon


duha nila nanugat ug tuloy
sa kitang nga bag-o ra nidagsa
sa pagpanagat didto sa lawod
ug ang laing duha nag haling sa bagul ug bunot
aron sa pag panugba


sa laing bahin, ako, gahiwa sa lamas.
sibuyas, kamatis ug ahos gi pino sa tadtaran
samtang usa sa akong higala
ga kudkud sa lubi para gata
sa umaabot na pangkilaw


sa dayon nakug human ug hiwa
mao sad iyang paghuman ug kudkud.
ako siyang gitabangan sa pag puga sa sapal
ug ang puti nga duga nidaguyduy
sa among gakumkum nga mga kamot


nangabot na ang uban namo nga mga higala
nagsugod na sa pagsugba, ug gi prepara na ang kinilaw.
"sugdan na ang tagay!" ..sa dihang baso sa tuba gipasa-pasa
kaming duha nag-tupad ug iya nang gikuskus ang gitara


kami wlay hunong sa pag kanta ug pagyawyaw
hangtud nagpasilong nalang ang adlaw sa kapanaw-punawan
murag daghan na among nainom da'
kay ang gitarista nitutuk naman naku ug dayon sa pag-ingon:
"namuwa mana imong mga aping ug ang imong ngabil
daw rosas nga nindut ingkiton.."


ug ako nahibong sa iyang mga panugilon
wala ko kasabot ngano akong dalunggan ni kalit ug tagling
tungod ba kini sa tuba o
tungod kini sa iyang ginatago nga katuyoan
ako wala ni tingug ug nagpabiling nagpahiyum


apan dili sa kadugayan, nituyok na akong kalibutan
akong tiil daw dili na akong tiil
akong pananaw ug panghunahuna nangalagpot
way pagduhaduha, ako: usa na ka hubog sa baybayon


maayo nalang ginsalbar ko sa akong amigo nga gitarista
kay gi alsa ko niya sa usa ka payag

diin iya kong gipahimutang.
way sama iyang pag atiman niya kanako
ug akong dughan nitiurok sa iyang mga kamot nga nag-alagad,
ug sa iyang mga ngabil nga ni halok sa akoa.


daghan pa siyang gimpangyamyam
ug uban pang ginabuhat nga wala naku damha;
apan akong mga dalunggan

ug mga mata nangapalong ra
sa tungatunga sa kagabhion.

No comments:

Follow this blog with bloglovin

Follow my_hotmug

Bjork! Bjork! Bjork!

2

As Time Goes By

Trekkers