Monday, March 24, 2008

Kalbaryo

Huwebes santo,
buwan sa Marso,
desperas sa pasko sa kasakit
gibaktas ko ang kalbaryo.

ngano ania ka man
sa akong alimpatakan?
ambi naku kay nahingkawas
naku sa akong penetensya.
dili ba dugay na tikang gi-papas
sa akong panum-duman?

apan sa akong pag-prosesyon,
uban sa higanting karo,
kalit ikaw nag pahipi sa abogon na dalan
nga sa hinay gilamoy sa kangitnit sa kilom kilom
dungan sa pag dagkot sa kandila, ania ka.

tungod niana,
nalamdagan ang nangaging panahon.
ang hagbay na nga gilama na uling sa pagbati,
nagsugod nasad ug pag baga.
susama kabug-at sa mga gagmayng santos ug angheles
nga gipas-an sa ilang ginikanan ang akong pag-ginhawa.

kaybaw ka ba,
nga sa matag kita kog balik kanimo
daw imong gisamaran ning akong dughan,
daw imong gibali kining akong mga gusok
ug daw imo kung gi koronahan sang tunok
sa mga kasakit nga akong mahinumduman.

imnon ko ang suka ug apdo
sa pagpakarong ingnon ug paglimud.
gibaliw ko akong mga mata na kunohay wala kakita kanimo,
basta lang kay mahingkawas ko
aning kalbaryo.
nga sa hinay hinay kong pag lakaw,
may unta, matapos na.

3 comments:

Chai said...

ley. naa na gyu'y muingon ani nimo:

pisti ka.

veraLeigh said...

this friday, ok?
@turtle's
read this piece

i miss you

liyo_denorte said...

to chai:

mao na ni ron.
purya sampit nalang sa mga saag na kalag nga nanga-anod sa baybayon..

to vera:

is it gonna be "bathalad" this friday? kuyawa gud! i'll surely drop by.

i need details please.. =)

xoxo

Follow this blog with bloglovin

Follow my_hotmug

Bjork! Bjork! Bjork!

2

As Time Goes By

Trekkers