Sunday, March 16, 2008

murag hapsay na ang tanan




gabii na,
niturok na ang mga bitoun sa kalangitan
nanaghuy na ang mga manok
aron mu-tugtugaok inig kadlawon.
nitiurok na ang mga langaw
dayon sa ilang pagpangamatay.

samtang ang haring adlaw
nanghasi sa pikas kalibutan,
ang reyna sa kagabhion naglaroy-laroy.
usahay mo kanta,
usahay maghagok sa iyang unlan
nga hinimu sa pinaka-humok na panganud.

murag hapsay na ang tanan

didto sa kadalanan,
naay usa ka iro nga nangita ug mahabalan,
naay usa ka iring nga nag kiay-kiay
ug mga ilaga nga nangaykay.

murag hapsay na gyud ang tanan

apan didto sa sulok
sa mangitngit na eskinita,
adunay duha ka lake nga niagi.
naghinung-hungay samtang ga-agbay,
padung sa pagkatuman sa ilang gisabotan.

didto sa sulok
sa mangitngit na eskinita,
adunay duha ka lake
nagpahungaw, nagtagbaw.

hinog ang kagabhion sa mga matang nga dili malamdagan:
mga katuyoan sa pag-bati, sa lawas
ug maingon man sa huna-huna

didto sa sulok,
sa mangitngit na eskinita.
adunay duha ka lake nga niagi.
naghinung-hungay samtang ga-lakbay.
ang ilang gisabotan,
natuman na.

No comments:

Follow this blog with bloglovin

Follow my_hotmug

Bjork! Bjork! Bjork!

2

As Time Goes By

Trekkers