Wednesday, April 16, 2008

alang kanimo

ako nang gihalad ang akong kasing-kasing

akong gihimbisan
gi kuwaan ug hasang
ug gibukyad
sa kainit
dihang ni evapora
ang pisik sa dugo
nga ni kurog
dungan sa paghilak ning akong dughan

ni kinang sa akong mga mata
ang unod nga ni sayaw
sa matag hapak sa kasilaw sa adlaw
sa dihang kini ni kuyos
ug nauga dungan sa pagtaghoy
sa akong kaguol

sakto ra ba sa kaparat?
sakto raba pagka-uga?
sakto na ba ang timbang
sa kabug-aton sa akong gibate
aron matagad mo kini akong gidalit
para lang kanimo

sakto na ba akong gibuhat aron ka makahibaw
nga sa hagbay na panahon
ako: magpabiling mo-alagad kanimo
nga ako: hangtud sa hangtud mo dangup kanimo
apan dili pa kini sakto
aron mo angay sa imong garbo

busa, ipabilin ko kining akong kasing-kasing
nga gabukyad sa mga matang na walay katin'awan
nag-uga sa gugma nga walay klaro
apan tuskig sa pagbati
alang kanimo

No comments:

Follow this blog with bloglovin

Follow my_hotmug

Bjork! Bjork! Bjork!

2

As Time Goes By

Trekkers