Monday, September 15, 2008

paghinoktok

ani-a kana sab
naglingkod murag bato
ang mata gatotok
didto lusot sa ding'ding
sa imong kwarto

kanus-a paman ka
mahipukaw sa imong gamatang pagdamgo?
diin imong mga tiil ug kamot
galutaw sa imong kalibutan
nga hagbay ra nihunong
susama sa lingin nga orasan

asa paman ka padulong?
mu-ikyas na sad ka?
imo na sad kung paapason
gikan sa dagat sa Siquijor
ngadto sa langub sa Aprika

matinga nalang ko
nga sa dugay mong
pag-statua
mukalit lang ka'g pagdumdum
sa pag-ginhawa ug
nanghuyos imong baga
human sa lawom nga pagpanghupaw

hahay,
ali na dire bah
haw-as na diha sa
imong atabay
maglakaw-lakaw ta didto sa bukid
bahala na kung kita magaras
bahala na kung kita mangasaag
basta kay mangita tag dalan
padung sa tumoy sa imong kalibutan
hangtud mangahulog ta
didto balik sa imong atabay
diin ang kangit'ngit gitusok
sa gamayng buslot
sa imong paghinoktok

No comments:

Follow this blog with bloglovin

Follow my_hotmug

Bjork! Bjork! Bjork!

2

As Time Goes By

Trekkers