Wednesday, October 22, 2008

alang sa usa ka barista

aduna koy naibgan nga usa ka barista
inig dominggo sa gabii, didto sa kapehan---
sa iyang atubangan, ako magpa-atbang

gaaso nga tasa, ako gakiti-kiti
katamis sa dihang itunol na nya akong sukli

ambot kung ngano mukirig
kining akong mga ngabil
wla man unta ko mapaso
o diba gayam'yam
(tungod sa way katulog paghandum kaniya)
basta sa iyang kape,
kanunay kong ma-kilig!

susama sa crema ug asukar
ako daw motuyok ug mahilis
sa dihang malumos naku sa iyang radar

maski dili pako niya piskan
magpabilin kanang iyang dagway:
usa ka mantsa dinhi sa akong alimpatakan

gaaso nga tasa, ako gakiti-kiti
katamis sa dihang itunol na nya akong sukli
apan imnon ko ang kapait sa akong pagbati

kay sa pag-pauli,
muhapdos nasad ni akong dughan
kay kaybaw ko nga dili gyud naku siya makahiuban

No comments:

Follow this blog with bloglovin

Follow my_hotmug

Bjork! Bjork! Bjork!

2

As Time Goes By

Trekkers