Wednesday, January 21, 2009

kalimutaw

natiguwang natawn ko'
nangunot na ang akong mga kamot
ug ang akong mga kuku, nangluspad
hain na ang akong coca cola body?
hain na ang akong mala porcelana nga panit?
diin hikit-i ang akong kaniadtong bugdo nga susu
ug diin gibutang ang akong nakalimtan nga pustiso

wala ko damha
sa kapas-pas sa panahon
ang akong buhok dali nangalarot
susama sa mga kagahapon nga akong nahinumduman
nga ubay-ubay nanga ibot---
uban sa mga adlaw nga naghandum ko kanimo,
akong Nicolo

diin naman ka?
nangunot nasad ba ang imong agtang?
nanglagum naba ang imong lagos
sa pagyopyop sa tabacco nga nangaupos
nidako naba pagmaayo imong tiyan
ug nikyurot imong bugan?

unsa paman imong mahinumduman?
maka sampit kaba gihapon sa akong ngalan?
kanus-a paman ta magka kita usab, dong
gusto ko mahibalik kadtong kitang duha
mil nueve sientos sinkwentay dos (1952)
sa tungatunga sa unos,
sa panaderya nagpapandong

mahikatawa ko maghandum,
muhagik-ik raman diay ko gihapon
maski wala nakuy ngipon
nauwaw ko sa akong kaugalingon dungan sa pagtan-aw
sa akong spiyo, diha nahikitan
galuha-luha kong kalimutaw

No comments:

Follow this blog with bloglovin

Follow my_hotmug

Bjork! Bjork! Bjork!

2

As Time Goes By

Trekkers