Monday, February 16, 2009

liso


iyang mga mata mokipot
dungan sa pagkumot sa iyang kamot
didto sa akong dughan
sa dihang mutapad ko kaniya.
maipit ang akong hawak
sa iyang bugat nga tanday
ug sa dihang iya nakung gakson
ako: motingsi sa kalipay

mura mig mani
duha ka lusok naghiusa
usa ka bunga'g ugat
makaon ug matanom
apan inig turok
mahibuwag lang gihapon

kanunay, mahayon ko ang uwan
ngano paman gibisbisan
maayo ra unta to kadtong usa rami ka liso
sa hagbay nga panahon, sa ilawom sa yuta
kami lang gihapon

karon, niturok, nangalingsing ug nangalarot na
ang among mga bukog
among mga panit
nahisagol sa abo sa kilumkilum
apan ang among ugat nidutdut
sa kangitngit
diin mga liso sa among pagbati
kawton aron mahikaplagan

No comments:

Follow this blog with bloglovin

Follow my_hotmug

Bjork! Bjork! Bjork!

2

As Time Goes By

Trekkers