Saturday, March 28, 2009

gikapoy pa ko,

mo undang sa' kog kambras sa imong dagway
kay mao ra man gihapon,
dili ka mapanas
sa akong alimpatakan
usa ka patik sa akong panit,
lagum, nagngulngul sa kasakit

gikapoy pa ko,
ako' sa ning ilabay akong pala
moundang sa ko'g kawot aning yutaa
diin ilubong ang atong miagi
nga kanunay buhi, ug bout mubangon

gikapoy pa ko,
ayaw sa ko padagana
kay dili man gyud tika madakpan
dili mapasakitan, dili makalimtan, dili mabawsan

No comments:

Follow this blog with bloglovin

Follow my_hotmug

Bjork! Bjork! Bjork!

2

As Time Goes By

Trekkers