Monday, May 18, 2009

nakuratan




aduna pa koy mahinumduman
sa sinkwenta ka tuig
nga nag paturok sa akong mga uban
lima ka gatusang kalayo
nga nitilap sa takna
nga kitang duha nagkahiuban.
aduna pay katamis,
aduna pay kaaslum,
dihang kitang duha nagbaktas niining baybayon
gikaw-it niining mga sanga
ang mga gimpanghunghung mong mga sonata
diin ang udlot sa atong gugma
nagsugod pa ug pangmata
apan sa hagbay nga panahon
nahanaw gyud ang mga dahon
dili ko mapugngan nga kini sila akong mahuptan
dili ko mapugngan sa pagkawala maski ako na
silang giuwanan
sa akong mga luha
sa akong maoy ug kalouy
sa pag-abi abi ug pagpangga

nangalaksi gyud
murag nakilatan, nikurog
ug nakuratan
nalaya ang akong panit
nikarat ang akong tingog
sa apdo nga pwerting kapait
mga tudlo nga nabikogan
mga bukog nga gidangdang
sa uling nga nagbaga
sa kagahapong dili mausab pa

No comments:

Follow this blog with bloglovin

Follow my_hotmug

Bjork! Bjork! Bjork!

2

As Time Goes By

Trekkers