Saturday, July 18, 2009

tambaloslos


nilabay nasad ka
nilabay human sa tunga ka tuig
nga nawala
nawagtang
nahanaw
didto sa sitio
diin ka nag paregistro
nikandidato ug pagka kapitan---
tigdumala niining akong kasing-kasing

daghan pa kaayo kag pasumbingay niadto
mga plano ug mga plata porma
unsaon pag uswag sa atong paghiuban
kay ako:
usa ka lumulupyo
sa baranggay gugmang giatay

mao na intawn, ako ni boto
sa imong ngalan akong gi kulit
sa ticket nga daw sa loto
kung makadaug, ako adunay premyo.

apan, unsaon taman
ikaw na lagi ang nidaug
apan ako nag pabiling pilde
nagpahipi didto sa daplin,
wala na gyud ilhe

ug ikaw ninglabay
nga daku kaayog ngisi

No comments:

Follow this blog with bloglovin

Follow my_hotmug

Bjork! Bjork! Bjork!

2

As Time Goes By

Trekkers