Monday, February 22, 2010

nagluno

ug karon
sa alas kuatro sa kadlawon
ako nang gihinay hinay
ug paksi kining
akong panit
akong huboon
atubangan niining ga kamang nga adlaw
ang mga matang sa kagahapon,
mahanaw.

gusto naku
mawagtang ang masulob-on kung dagway
gusto naku
mawagtang, ang mga uwat
nga ni patik sa akong lawas
kiskison ko kini pagpamaayo
kiskison maskin manghubag
kiskison hangtud magdugo
kay dugay ko na kining gimbitbit
ug gikapoy nako
aning mga patik
nga sigeg pangablit
sa kagahapon
nga nikitkit
sa akong panit
sa hinugdan nga
ako ga ping-it
sa pagpanamilit

dungan sa mga nangapalong
nga bituon sa kabontagon
hinaot, ako, musinaw

No comments:

Follow this blog with bloglovin

Follow my_hotmug

Bjork! Bjork! Bjork!

2

As Time Goes By

Trekkers