nangahilom

na ang mga yawit sa babaeng pakan
babaeng nasakitan
sa beynte ka semana nga nakawrasan
sa mga hagit
sa mga ngabil nga nagping-it
sa kalayo nga nilamparos
sa ilang mga barekos nagkabalikos

nangahilom na ang mga daguhong sa mga neknek
nga nikitkit sa panit
mga kwaknet nga bahog anghet
naglupad lupad sa ilok aning
langob nga diin nahikatulog
ang liboang mga gamot

nangahilom na ang mga samad
nga nilakra sa akong mata
nga ni kawkaw gikan sa kalimutaw
ngadto padung sa lapa-lapa
nag ekes-ekes, nag ekes-ekes
nag ekes-ekes, nag ekes-ekes
murag laway sa bukya
nga nipilit sa paa
sa babaye nga nagdangoyngoy
nagbakho sa maoy

nangahilom na
nangahilom na ang tanan
nangahilom na ang tanan
nga nagsamok-samok sa akoa

ambot lang, depende

depende sa kagabhion,
kung lamdag naba o padung kilomkilom
depende sa pagturok sa bugas
kung didto ba nahimugso sa nawong o sa lawas
depende sa dagan sa oras
depende sa panahon
ting-init ba o ting-uwan
depende sa moda
kalma ba o kaha, warlah
ug depende sad sa presyo sa gasolina
kung tag siyete ra gihapon ang sukot
gikan ayala padung abellana

ambot lang kung unsa
unsa man gyud ni naa sa akoa?
wala man unta ko gidugo, o gi-dismenorhea
pero ngano dali man ko sapoton
kung ikaw ug ako naa ray gamay
nga panagbinkil
hay ambot nalang,
depende ra gyud ang ipasumangil.

usa ka babaye

luspad
daot
dakog ngabil
dakog mata
ang aping pula-pula
ang ngipon, yeelo
nya nanigarilyo

bugwak
hooo
bugwak
hooo
bugwak
nigawas, usa ka lawa-lawa
nilutaw, usa ka lawa-lawa
nisayaw, usa ka lawa-lawa
nisuroy ang lawa-lawa

ngadto sa dalan pangadto sa molave
sa dalan nga gikamangan sa mga ugat sa accacia
sa lugar nga aduna sad usa ka babaye
luspad
daot
dakog ngabil
dakog mata
ang aping pula-pula
ang ngipon, yeelo
nya nanikma ug plema

dreaming of malibu

if someone asked you she got plane tickets for three to Palawan and back,
what else can you say?

...darn, yes! sure! go!
...are you for real? hell yeah!
...whoa, slap me please, i think i'm dreaming of malibu..

but yeah, we went and explored Philippine's last frontier

well thanks Kalay and Ms. B (with her BFFs)..
you gals still proved that the best things in life are for free..

tehee' =)