ug sa dihang, naa siyay ngalan

kaniadto, inisyal ra — E.S.L.

murag hunghung sa mga anghel

pero karong gabii, 

ilang mga paku, adunay mga ngabil

mga pagkinto kinto sa mga tiil

kalit silang ni siwil.

usa ka tanum.

usa ka liso

sa pagturok, wala ko mag dahum

nga abi nako, 

dugay na siya na lubong

sa menteryo sa kalimut.

apan, sa akong fb feed,

kalit nisubang 

dala ang mga kagahapon

mga hinumduman, nikamang

mga kalag, nibangon

ug sa dihang, naa siya'y ngalan:

Eloy Sanz Luque

murag sa akong ngipon,

adunay nigimaw

usa ka dako nga kiki

iyang mga hulagway,

taga "click next"

paksit!

tagsa-tagsa, 

mupisik ang mga kasakit.

mga hulagway 

nga daw sa yawa, 

ni agik-ik.

ni lanog sa kangitngit.

"Undangon tah ni, peste!"

Sa dili pa matintal usab,

sa dili pa maimpyerno ug balik

sa gawas, 

ang uwan sa kahilum nag lumba

mitulo ang iyang ngalan: 

E.S.L.

ga kinto-kinto, 

susama sa gatusan na mga tiil